Azərbaycan Minimal İnvaziv Cərrahlar Cəmiyyəti və Almaz Akademie Tibbi Treninq Mərkəzinin təşkilatçılığı ilə Qusarda, OKİ hospitalda 5. Regional konfans keçirilmişdir. Konfransda region rayonlarından və Azərbaycanın digər rayonlarından 100-ə yaxın iştirakçı qatılmışdır. Minimal invaziv cərrahiyyənin müxtəlif sahələri laparoskopik və ümumi cərrahiyyə, ginekologiya, urologiya, diaqnostik və müalicəvi endoskopiya və invaziv radiologiyanın müxtəlif problemlərinə həsr olunmuş aktual məruzələr oxunmuşdur. Eləcə də, konfransın gedişində Azərbaycan Respublikası Milli Məclisinin Səhiyyə Komitəsinin sədr müavini Prof. Rəşad Mahmudov və İqtisadiyyat komitəsinin sədr müavini Azər Badamov, TƏBİB icraçı direktor müavini Araz Nəsirov, Azərbaycan Minimal İnvaziv Cərrahlar Cəmiyyəti və Almaz Akademie Tibbi Treninq Mərkəzinin prezidenti Prof. Qurbanxan Müslümov və AMİCC idarə heyyətinin sədri Əli Allahverdiyevin moderatorluğu ilə regionlarda minimal invaziv cərrahiyyənin inkişafı üçün nə etməli adlı panel diskussiyalar təşkil edilmişdir. Panel diskussiyalar çox maraqlı keçmiş və iştirakçılar ilə bərabər bu problemlərin həll yolları müzakirə edilmişdir. Konfransın gedişində eləcə də iştirakçılar üçün Hands On Workshops-lar və ustad dərsləri təşkil edilmişdir. Belə ki, canlı yayımda Prof. İslam Mahalov tərəfindən ” Laparoskpik total histrektomiya”, Prof. Qurbanxan Müslümov və Dr. Vüqar Behbudov tərəfindən “Laparoskopik xolesistektomiya”, Dr. Həmzət Cigərov tərəfindən litotripsiya əməliyyatı, Dr. Zöhrə Azadova tərəfində “Lazer proktoloji əməliyyatlar”, Dr. Həcər Həsənova tərəfindən ” Endoskopik prosedurlar” əməliyyatları icra edilmiş və iştirakçılar üçün zala transliyasiya edilmişdir. Konfransın gedişində gələcəkdə regulyar olaraq ildə 1 dəfə Qusarda konfransın təşkil olunması barədə təklif irəli sürülmüş və bu region klinikları, Oki hospital, Azərbaycan Minimal İnvaziv Cərrahlar Cəmiyyəti və Almaz Akademie Tibbi Treninq Mərkəzi tərəfindən müzakirə edilmişdir. Konfransın sonunda Azərbaycannın dilbər guşələrindən biri olan Şahdağ turizm mərkəzinə səhayət təşkil edilmişdir və bütün iştirakçılara sonda sertifikatlar təqdim edilmişdir. Ətraflı məlumat üçün www.amicc.az saytına daxil ola bilərsiniz.
