2018-ci ildən başlayaraq M.Topçubaşov adına Elmi Cərrahiyyə Mərkəzi , Azərbaycan-Almaniya Tibbi Əməkdaşlıq Cəmiyyəti, Almaz Akademie Tibbi Treyninq Mərkəzi tərəfindən cərrahiyyə yönümlü (ümumi cərrahiyyə ,neyrocərrahiyyə , ürək-damar cərrahiyyəsi, ginekologiya, urologiya və s. ) ixtisaslar üzrə təhsil alan rezidentlər üçün rezidentura təhsili proqramına uyğun olaraq cərrahiyyənin müxtəlif problemlərinə həsr olumuş silsilə məruzə- seminarlar və treyninqlər təşkil edilir.Bu məruzələrin əsas məqsədi dünyanın qabaqcıl ölkələrində ixtisas təhsili verən mərkəzlər tərəfindən qəbul olunmuş təhsil formatında mühazirələrin və treyninqlərin keçirilməsidir.
Növbəti məruzə 25.05.2018 tarixdə saat 15.00-da olacaqdır.Məruzənin mövzusu “Laparoskopik cərrahiyyədə müasir yeniliklər və nailiyyətlər” -dir.
Məruzə haqqında nəzəri məlumatlarla yanaşı ,video təqdimat,mövzuya aid cərrahi texnikalar , ləvazimətlər və s. nümayiş etdiriləcəkdir.
Məruzədə iştirak etmək pulsuzdur. Maraqlanan hər bir kəs iştirak edə bilər.
